1. Bir güneş yüzlü melek gördüm ki ‘âlem mâhıdur
Ol kara sünbülleri ‘âşıklarınuñ âhıdur
2. Karalar geymiş meh-i tâbân gibi ol serv-i nâz
Mülk-i Efrengüñ meger kim hüsn içinde şâhıdur
3. ‘Ukde-i zünnârına her kimse kim dil bağlamaz
Ehl-i îmân olmaz ol ‘âşıklaruñ güm-râhıdur
4. Gamzesi öldürdügine lebleri cânlar virür
Var ise ol rûh-bahşuñ dîn-i ‘Îsâ râhıdur
5. ‘Avnîyâ kılma gümân kim saña râm ola nigâr
Sen Sitanbul şâhısuñ ol [da] Kalâtâ şâhıdur