Hasret-i cânân ile devrâna kıldım elvedâ
Âzim-i sû-yi fenâyım câna kıldım elvedâ
Bir garib âvâre-i hecrim hezâr efsûs kim
Çıkmadan can sineden cânâna kıldım elvedâ
Şevk-i didârıyle mahv-ı cân edüp pervâne-var
Ol çerâğ-ı hüsne yana yana kıldım elvedâ
Ağladım hüzn ile hûn oldu dil-i sengin-i çerh
Bezm-i dehre şöyle mahrûmâne kıldım elvedâ
Azm-i dârü'l-mülk-i aşk ettim yine San'an misâl
Sâkinân-ı Kâbe-i imâna kıldım elvedâ
Feyz-i tecrîd ile NÂMIK azm-i ıtlâk eyledim
Şeş cihât-ı âlem-i imkâna kıldım elvedâ.
Namık Kemal